Не нови граници, туку соработка

Останати вести

Решенијата за билатералните прашања во регионот не се во ирационални политики за исцртување нови граници, туку во обединување и соработка, констатираа вчера во Скопје шефовите на дипломатите на Македонија и на Албанија

- Надминувањето на билатералните проблеми, етнички или гранични, треба да се одвива на истиот начин на кој беа надминати проблемите меѓу земјите-основачки на ЕУ по Втората светска војна. Тогаш не се реконструираа границите и не се градеа ѕидови, бидејќи Европа се обединуваше и се градеше на економски план. Затоа, решението не е во ирационални политики, туку во соработка за која границите ќе бидат неважни - изјави Илир Мета, министер за надворешни работи на Албанија.

За таа цел на сите земји во регионот ни треба поддршка од ЕУ за да станеме дел од успешниот европски проект, се согласи македонскиот министер за надворешни работи Антонио Милошоски, одговарајќи на прашање за можна нова граница и поделба на Косово.

Мета ја поздрави, како што рече, мудрата политичка одлука на Македонија да го признае Косово. Мета се сретна и со претседателот на државата Ѓорге Иванов, со премиерот Никола Груевски и со претседателот на парламентот Трајко Вељаноски.

Спорот за името е ограничен со недостиг од политичка волја

Македонија останува посветена на изнаоѓање решение за спорот со името, вели министерот Милошоски.

- Колку поскоро ќе се надмине ова ирационално билатерално прашање, толку подобро ќе биде и за двете земји и за целиот регион, а таа енергија ќе може да се искористи продуктивно во рамките на европските интеграции. Решавањето на македонско-грчкиот спор не го ограничуваат рокови, туку најчесто недостигот од политичка волја и прагматизам или инсистирањето на одредени ирационални позиции што се тешко разбирливи во 21 век - рече шефот на македонската дипломатија.

Веста е прочитана: Оценка:

Оставете коментар

Правила за објавување на коментарите

Шума
За правата на Македонците во Албанија,покажаа самите на ланските избори.Едмонд Темалко ветуваше дека ќе добие три пратенички мандати (околу 50.000 гласови),а доби вкупно 454 гласа!Се направи еуфорија,а во ниеден наш медиум не се даде бројот на освоени гласови на Темелко!

Голо Брдо
Какво е мислењето на Мета за правата на Македонците во неговата држава, за националното изјаснување на пописните листи, за школувањето на мајчиниот јазик до ниво на факултет, за „рамковни“ вработувања во албанската администрација, за потребата, во конечно, за уште еден Охридски („Подградечки“ , „Корчански“ или „Пустечки“ ) договор?

BLAZO0870
ISTO I NEKOI CITATELI ZA ZAL SE POFTORUVAAT-IMAAT PARTISKI STAVOVI ..sto treba da odgovori , treba promena na granicite ,pa na nekogo kef da mu se napravi?????

b
при секоја изјава на министерот, како да пуштаат магнетофонска лента. Како папагал, повторува едни те исти три реченици!