„Етнос“: Грција се вклучува во решавањето на косовското прашање

Останати вести

Во наредните денови Атина ќе почне дипломатска иницијатива за изнаоѓање взаемно прифатливо решение за косовскиот проблем, користејќи го своето влијание на Балканот

По објавувањето на мислењето на Меѓународниот суд на правдата дека со прогласувањето на независноста на Косово не е прекршено меѓународното право, во наредните денови Грција ќе почне дипломатска иницијатива за изнаоѓање взаемно прифатливо решение за косовскиот проблем, пишува „Етнос“.

Атинскиот весник наведува дека на завчерашната средба на шефовите на дипломатиите на земјите-членки на ЕУ, грчкиот заменик-министер за надворешни работи Димитрис Друцас нагласил дека Грција како балканска земја е подготвена да ја преземе својата одговорност кон регионот и дека нејзини претставници наскоро ќе ги посетат Приштина и Белград. Според Друцас, Грција планира да ја промовира европската перспектива на Балканот, согласно одредбите од „Солунската стратегија“ подготвена во 2003 година за време на грчкото претседавање со Унијата, која во основа е изработена од грчката дипломатија.

- Грција е земја што може да се обрати како кон Србија, така и кон Косово и може да ги искористи сите потенцијали за изнаоѓање взаемно прифатливо решение за косовскиот проблем - рекол Друцас, додавајќи дека умерената и сериозна позиција на српската влада ќе има позитивно влијание врз европската перспектива на Белград.

Друцас сепак нагласил и дека независно од одлуката на МСП, Атина останува на својата досегашна позиција да не ја признава независноста на Косово.

Истовремено, ЕУ ги повика Србија и Косово да почнат преговори и покрај одбивањето на Белград да ја признае косовската независност.

- Им порачав на Приштина и на Белград дека нивната иднина е во ЕУ. Се надевам дека тие ќе направат чекор напред и ќе почнат преговори - изјавила шефицата на европската дипломатија Кетрин Ештон.

Министрите за надворешни работи на средбата во Брисел не успеале да постигнат заедничка позиција во однос на Косово и на Србија, но според дипломатски извори, Унијата ќе се обиде да ја искористи нивната европска перспектива за да ги натера да преговараат, порачувајќи им дека нема да постигнат значителен напредок на патот кон ЕУ без подобрување на меѓусебните односи.

Од друга страна, европските дипломати порачуваат дека најверојатно ќе минат неколку месеци додека членките на ЕУ не постигнат согласност за прифаќање на кандидатурата на Србија за членство во Унијата, која беше поднесена во декември 2010 година. Според нив, не е исклучена можноста некои членки на Унијата да ги условуваат европските перспективи на Белград со неговата целосна соработка со Хашкиот трибунал.

Автономија за северно Косово?

Американскиот амбасадор на Косово, Кристофер Дел, изјавил дека косовскиот премиер Хашим Тачи е подготвен да му понуди некаков вид на автономија на северниот дел на Косово, каде што живее претежно српско население.

- Северно Косово има специфична природа, а премиерот Тачи е подготвен да најде креативен начин за решавање на ова прашање - нагласил Дел.

Според него, слични регионални аранжмани веќе се постигнати во Белгија, Јужен Тирол и во други западни земји, пренесува Б92.

- Слушнав дека Тачи повеќе пати јавно кажа дека во рамките на ЕУ постојат многу региони кои како такви се признати и дека е подготвен да разгледа креативен начин, на кој специфичната природа на северниот дел на Косово би можела да се прилагоди внатре во единствените косовски граници - додал американскиот амбасадор.

Тачи: Отворен патот кон ЕУ и ОН

Косовскиот премиер Хашим Тачи изјави дека одлуката на Меѓународниот суд за правда му го отворила патот на Косово за интеграцијата во НАТО, Европската Унија и во Обединетите нации.

- По објавувањето на мислењето на МПС дефинитивно дојде крајот на надгледуваната независност - нагласил Тачи во обраќањето пред косовскиот парламент, повикувајќи ги земјите што не го признале Косово, да ја признаат новонастанатата држава.

Според него, одлуката на МСП е голема победа за косовската држава, но и за целиот регион. Тачи додал дека со тоа судот ја запечатил независноста на Косово, пренесува Б92.

Веста е прочитана: 868 Оценка: 1,36

Оставете коментар

Правила за објавување на коментарите

Dimitar
Grcija ne ja biduva za resavanje tuku za sozdavanje na problemi!

uzunov
go resija problemot so republika makedonija. sega trgnuvaat da go resat problemot so kosovo. mslam deka pocnuvaat da trguvaat.se sto resile grcite samo se zapletkalo uste povece.neka e gospod na pomos.

ГРБУСРБ
Проблемите на Балканот се од Грција Бугарија и Србија затоа што од мали станаа поголеми на туги територии.

Стотиот Самоилов војник
Ќе ги вклучат царе мој и татко мој.Нивниот глас се слуша во Европа.Добиваат се што ќе посакаат!

Car Samoil
Kako toj fasist ke resava drugi problemi koga nemoze da prestane da ne maltretira nas,dali ovie luge se normalni da mu dadat naniv da resavat problemi na drugi drzavi.