Албанската тајна служба во акција да го забрани македонскиот јазик

Останати вести

Официјални државни органи на Албанија добија препорака да го спречат изведувањето курсеви по македонски јазик организирани од невладина организација во Голо Брдо

Министерството за образование на Албанија, користејќи информации на албанската тајна служба (ШИШ), тргна во акција да го забрани изучувањето на македонскиот јазик во Голо Брдо поради „прекршување на законите“. Ова го пишува во писмото на еден функционер во Министерството за образование на Албанија во кое се бара прекинување на курсевите по македонски јазик што редовно се изведуваат во неколку училишта во општините Требиште и Острени во областа Голо Брдо.

За ова вчера јави и ТВ Сонце.

Општинарите во реонот Булќиза од партијата Македонска алијанса за европска интеграција го поседуваат писмото потпишано од Миранда Курти, директорка на подрачната единица на Министерството за образование на Албанија, испратено до општината Требиште на 11 јануари, во кое меѓу другото се вели: „Поаѓајќи од добиените информации од ШИШ, од раководителите на школите и од локалната самоуправа, како и потврдувањето на овие информации од Образовната канцеларија во Булќиза, Ве информираме дека во областа Голо Брдо, во почетокот во селата од општината Острени, а потоа и во селата на општината Требиште, од физички лица без лиценци се одржуваат приватни курсеви на македонски јазик со учениците од школите“.

Таа понатаму ги реди по име и презиме Македонците што ги спроведувале тие курсеви. Нејзиното образложение е дека курсевите ги држат граѓани што не се вработени во Министерството за образование.

Станува збор за бесплатни курсеви по македонски јазик што ги спроведува невладината организација „Илинден“ со седиште во Тирана. Курсевите веќе подолго време и јавно и преку Интернет се рекламираат меѓу Македонците во Албанија. Тоа значи дека работата што ја открила тајната служба на Албанија и не била некакваси голема тајна.

- Тука нема никакво прекршување на законот. Ние сме легална невладина организација, која во својот статут запиша дека ќе држи и курсеви по македонски јазик. Целта на албанската држава со ова е да спречи Македонците од Голо Брдо на следниот попис да се изјаснат како Македонци - вели Васил Стерјовски, член на НВО „Илинден“ и директор на јавно претпријатие во Корча.

Курти во писмото бара конкретна акција од локалните власти, бидејќи нејзините интервенции не успеале.

„Од наша страна е контактирано со локалната самоуправа и надлежните директори на школите за прекинување на овие приватни курсеви. Меѓутоа ве информираме дека во селото Требиште на општината Требиште и селото Пасинки на општината Острени продолжуваат со работа незаконските приватни курсеви по македонски јазик. Затоа бараме соработка и ваша интервенција за целосно прекинување на ова нелиценцирана активност, затоа што лицата, како што наведовме и погоре, не се вработени во образованието и претставува тежок прекршок за законската регулатива што е во сила“, пишува Миранда Курти, директорка на подрачната единица на Министерството за образование на Албанија.

За случајот е информирана и канцеларијата на ОБСЕ во Албанија. Засега нема нивна официјална реакција на овој случај.

Инаку, Албанија официјално ги признава Македонците и македонскиот јазик само во општината Пустец, Преспанско.

Граничен премин

За Македонците од Голо Брдо сериозен проблем е и веќе подзаборавената обврска на македонските власти за договореното отворање на граничниот премин Требиште. Ланскиот договор меѓу македонскиот и албанскиот премиер Никола Груевски и Сали Бериша за отворање нов граничен премин кај Требиште од албанска страна и Џепчиште од македонска страна во близината на Дебар засега е испочитуван само од Албанија. Тие веќе изградија пат до границата и сите придружни објекти, а од македонска страна нема ништо. За населението од Голо Брдо влезот во Македонија без овој граничен премин е подолг за цели 80 километри по тешкопроодни патишта. Одговорот од македонска страна засега се сведува на тоа дека сé уште не е изработен проект, а и нема пари одвоено за преминот.

Автор: Александар Божиновски

Веста е прочитана: 1652 Оценка: 3,71

Оставете коментар

Правила за објавување на коментарите

ke go pukam
Браво, само така...јас сум за реципроцитет... да им се забрани да говорат АЛБАНСКИ во Македонија!!!!!!!!

Beti, Avstralija
Aj da ja svrtime politikata obratno: da se zabrani sekakva upotreba i izucuvanje na albanskiot jazik vo Makedonija, i vo Albanija nasite neka soberat malku hrabrost i neka izdejstvuvaat RAMKOVEN DOGOVOR za upotreba na jazicite na malcinstvata.

Koljo
Dokolku takvoto nesto se slucese vo Makedonija,site ke se krenea so kritiki i uceni,pocnuvajki od EU i sekoja druga megjunarodna organizacija.Kade se sega?

veselin
Site zaboravaat deka makedonci ima po cela Skipnija.Planski gi raseluvaa sekade,a i onaka porano tamu ziveeja samo makedonci.Vo vtorata svetska vojna isto taka i vo zapadna Makedonija e izvrsen monstruozen genocid i etnicko cistenje na makedoncite.No ''drugarite'' Tito i Lazo sprecija Makedonija da podnese tuzba vo OON.

dr.dusan
RECIPROCITET-i ovde kaj nas nema Albanci ima nekoe pleme so smeneta vera--i od niv baras beriket.

lila
i vo MAKEDONIJA treba taka da se postapi pa da vidi i NATO i EVROPA !

Danilo
Албанската тајна полиција е доста добро организирана, поготово што задните 15-тина години има инструктори од сродните американски служби. Така да не би требало да имаат поголем проблем успешно да ја спроведат оваа акција.

zoran
kade e granicniot premin zosto ne go napravime.Denes gledam razgovor so gr minister i nikako da mu kazeme za egzodusot,ajde ne se plasete bidete pojaki.

boban
kade e sea patriotot gruevski za da im pomognit na nasite braka i sestri od albanija kade e da barat otsteta za decata begalci od grcija i za nivnite imoti vo grcija kade e da im pomognit na nasite vo bugarija-go nema nikade,taka i ke go smeni i imeto nasiot kvazi patriot grujo i ke si izbegat zaedno so mijalkov vo avstrija ili ceska kade imaat hoteli i dr biznisi

zoran iliev
Kade se sega EVROPSKITE vladini i nevladini institucii da go sprecat ovoj zulum vrz Makedoncite ? Se pokaza kojznae po koj pat deka Evropa vodi dvolicna politika,i so pravo nekoi ja narekuvaat "Starata ku.va ".Izgleda nejzinite pravila vazat samo za MK,no ne i za nejzinite milenicinja.Neka ne mislat deka na toj nacin ke ne unistat,vaka samo ne pravat posilni.

steve
Se razbira toa ti e NATO I EU,prava demokratija sve se bara od Makedonija ,a od Albanija ,Bugarija i Grcija si pravat kako sakaat nema covekovi prava za niv Diktatori sve e med i mleko e toa ti se vika ravnopravno.Zastrametese site vo EU ,a vie dragi novinari prasuvajte gi ne spiete zosto e toa takva praktika.

pero
aj sega kaj se americka ambasada, obse, brisel i ostanati da se pobunat. vo makedonija da se slucese ova vo top ke ne stavea

крис
што се чудите, тоа ви е "демократија" по НАТО стандарди!

Македонец
Ајде сега моментално да се дигне голема галама по светски организации, ЕУ, САД, ОНУ, за дискриминираното Македонско население во Албанија, Премиерт и Претседателот да дигнат врева и да упатат протестни ноти, критики до Албанија! Одма фотографи и камери до селата, снимат намачени деца, како плачат и креваат два прста, па документарец до цел свет! Ја ли се треба да ве учам...

cilev
kade e makedonskata vlada da se obrati do eu za prekrsuvanje na covekovite prava?ili bladata raboti samo za intereseti na albancite vo maked i im dava preku noc se povece prava a za makedonecot vo alb uvo gi zabole.

Tearce
Pa so otvoranje na ovoj granicen premin nema populizam, glasovi, rejting, perenje pari. Pa posle Albancite ni se vinovni, Bugarite vinovni. Sikter veke od vlast, lopuzaana nevidena!

spomenik
Pa izgleda ke socekaat nasive da Makedoncite od Golobrdo stanat spomenici na edno vreme i eden narod pa da se voznemirat i vo svojot PR gi stavat na dneven red i odvojat pari za niv.A Bugarite rabotat li rabotat i baraat Bugari tamu kade sto nie izgleda imame visok Makedonci.

ivo
Dodeka nie nemame pari, Bugarite intenzivno antropoloshki go istrazuvat regionot na Golo brdo.

strumicanec
za spomenici ima pari a za toa nema,(nacionalen interes)boze sacuvaj

Melnik
en treba da se osvrnuvame na vakvite obidi na albanskite sluzbi. treba da prodolzime da rabotime da go pomakedoncime golo brdo!