Властите во Солун им бараат на Македонците визи за Кипар

Останати вести

Грчките граничари на солунскиот аеродром не и дозволиле да влезе во Кипар на сопругата на македонскиот фудбалски репрезентативец Славчо Георгиевски

Грчките гранични власти вчера не и дозволија да влезе во Кипар на сопруга на македонски фудбалер што игра за кипарски прволигашки клуб, со образложение дека мора да има виза! Со визните бариери на солунскиот аеродром „Македонија“ деновиве се соочил уште еден македонски државјанин, кој во телефонски разговор со македонскиот конзул се пожалил дека грчките граничари не му дозволуваат да влезе во Кипар.

И покрај тоа што од јануари годинава македонските државјани можат да патуваат без визи, сопругата на македонскиот фудбалски репрезентативец Славчо Георгиевски, кој игра за кипарскиот прволигаш Етникос од Ахна, не успеа да замине во посета на сопругот затоа што грчките гранични власти и барале виза.

Ваквото искуство на Невена Георгиевска и се случило во Солун, од каде што со осуммесечната ќерка требала со авион да замине во кипарскиот град Ларнака за да го посети сопругот.

Иако Георгиевска и нејзината ќерка имале биометриски пасоши и гарантно писмо дека ќе престојува кај сопругот, грчките гранични власти не им дозволиле влез во соседната држава со објаснување дека Кипар од пред неколку дена има нова визна политика кон Македонија.

- Грчките граничари на сопругата и кажале дека кипарските власти им се заканиле дека ако пуштат Македонец без виза ќе плаќаат пенали. Не разбирам во што е проблемот. Сите документи ги имаме, а сега наеднаш им бараат виза - изјави револтирано македонскиот репрезентативец Георгиевски. Тој објаснува дека десетина дена претходно пријателка на друг фудбалер без проблем успеала да влезе во Кипар, а неговата сопруга заедно со ќерката вчера била принудена да преноќи во Солун и денеска да бара виза во кипарската амбасада.

Од кипарското МНР, пак, се изненадени од случајот и тврдат дека немаат нова визна политика кон Македонија што е спротивна на одлуката за укинување на визите што ја донесе ЕУ.

- Граѓаните што имаат биометриски пасош можат да влезат во земјата без виза. Затоа, изненаден сум од ваквиот случај. Грчките власти може да нé контактираат и ќе им кажеме дека на вашата државјанка не и треба виза за да влезе во Кипар - изјави за „Нова Македонија“ Самуел Димитрис, прв секретар во одделот за конзуларни прашања во кипарското МНР.

Од МНР рекоа дека не се запознаени со случајот.

Македонскиот конзул во Солун, Томислав Димитровски, рече дека не е запознаен со случајот на Георгиевска, но информираше дека уште еден македонски граѓанин деновиве се пожалил телефонски дека грчките граничари не му дозволуваат да влез во Кипар без виза.

- Македонските државјани не ги прибавуваат ваквите случаи затоа што најверојатно се плашат од понатамошни реперкусии. Треба да ги пријават случаите за да можеме официјално да реагираме. Сепак, ова е веќе втор случај и ние ќе се обратиме до МНР - вели Димитровски.

Автор: Ивана Костовска

Веста е прочитана: 1270 Оценка: 2,57

Оставете коментар

Правила за објавување на коментарите

saso
I jas go citam gospodinot(drugarot),ne znam i kako Petre-1 gledam da go korigiram toa sto go napisal. Mene mi izgleda deka neumorniot Musso gi zagubil nervite, a so takvi komentari naopaku, moze da gi zagubat nervite i drugite. Ziv da mi si Musso.

dr.dusan
I nasive treba da im baraat vizi na grcite koga ke sakaat da odat za srbija.Samo klin so klin.

petre-1
Аман бре Мusso, научи го малку македонскиот јазик и интерпукција. Ни една точка и запирка не ти се на правото место, буквите од еден збор ги префрлаш на друг тн. и тн. Иако сакам да те читам, мака мачам да разберам што сакаш да кажеш. И конечно пред да кликнеш „испрати“, провери си го текстот и поправи си ги грешките.

Vasil
Sto da naucime od odnesuvanjeto na Grckite vlasti? 1) Da ne patuvame vo Grcija osven da go sirime Makedonskiot jazik vo Egejska Makedonija 2) Da ne rabotime vo Grcija 3) Nasata vlada poenergicno da bara zastita za pravata na Makedonskoto malcinstvo vo Grcija 4) Da ne dozvolime kompaniite od Grcija da investiraat vo Makedonija 5) Da gi prekineme "razgovorite" za imeto

Milan Italija
Ova e dobar slucaj za nasite da go kazat vo Brisel ili na onoj Fuere,kako sto toa go pravat Bugarite i Grcite ednite so Onaa od Gevgelija neznam kako i bese imeto,i isto slusnav deka i Grcija se zali isto taka so nekoi grci sto ziveele vo Makedonija i navodno bile maltretirani.PA STO SPIE OVA NASE MNR ILI TIE KONZULI ZA STO SLUZAT.Jas veruvam vo ovaa vlada i vo Nikola Gruevski no nemoze NON-STOP samo nie da goltame i da se pravime deka ne sme slusnale.

Musso
Инте`есно! Ајде сега малку да ги информираме нашите граѓани, а ако треба и нашето МНР, дека конзулатите служат токму за вакви работи и да пружат помош ( и заштита) на македонски граѓани во странство. Значи македонски конзулат (конзулат има и во амбасадите) има обврска да пружи секаква помош на македонски грашанин во земјата каде се наоѓа. Исто така македонскиот граѓанин треба да знае дека во конзулатите нема “баачи и јасновидци“, па као не с ејават никој нема ни да знае дека им треба помош. Ова онака чисто инфопрмативно. И уште ова, кога енкој патува во странство, не е лошо да с еинформира каде има конзуларни претставништва на Република Македонија, па и да иам контакт телефон и адреса. не дека козулива се толку спремни и обучени за помош, ама пак да кажам - не се јасновидци па да знаат кој се и каква мака има во даден момент. јавете се за пмош, па ако не ја добиете и јас ќепоможам во нивното “черечење“ - јавно!

ivan
A be ima li nekoj vo ovaa vlada "patriotska"da vovede reciprocitet? ili samo ke se junaci so statui od aleksandar.

Мартин
Уште еден "добрососедски" подарок од страна на Грчката држава кон Македонците.

Иди Малеш
koga nekoj gradanin od R Makedonija ke bide izmaltretiran i ponizuvan na nekoj ,,evropski'' aerodrom gospodata od MNR na RM nikogas do sega,, ne se zapoznaeni so slucajot''.....pa gospoda zapoznajte se nekogas so slucajot ,zatoa ste postaveni tamu i zemate nasi (narodni)pari i uzivate vo site privilegii vo drzavata...pokazete nekogas deka treba da gi stitite i nasite gradaniako imate ,,kinder''